Pas mbërritjes në aeroportin e Rinasit me ambulancat e posaçme Florije Peci dhe Eriselda Gubere kanë nisur fluturimin e shpresës me avionin sanitar drejt Austrisë.
Përmes këtij fluturimi dy vajzat të cilat shkojnë drejt Vjenës për mjekim të specializuar, nisen në gjendje kome si rrjedhojë e aksidentit famëkeq të Qafës së Vishës në Himarë dhe me shpresën për tu kthyer me këmbët e tyre në atdhe.
Florije Peci krahas politraumës së shkaktuar nga aksidenti, ka fraktura të rënda në shtyllën kurrizore.Siç raporton noa.al, mësohet se me të mbërritur në Austri dy vajzat do të marrin trajtim në dy spitale të ndryshme në Vjenë, ku do t’u jepet edhe mjekimi i posaçëm.
Sakaq vajza tjetër Eriselda Gubere e cila ka pësuar politraumë pasi ka dëmtuar shpretkën është në gjendje të rëndë pasi ka vetëm një veshkë.
Ndërkaq në Spitalin Ushtarak vijojnë të qëndrojnë vajzat e tjera të cilat marrin mjekim, por fatmirësisht jashtë rrezikut për jetën.
Subscribe to email feed
